Këngëtarja adoleshente amerikane Billie Eilish është zgjedhur për të kënduar këngën për filmin e ardhshëm të James Bond.
Kështu, Billie është bërë artistja më e re që ka shkruar dhe regjistruar një këngë ekskluzivisht për filmin ikonik.
Siç shkruan Daily Mail, Billie Eilish, ka regjistruar këngën me titull “No Time to Die” për filmin e 25-të të Bondit.
Filmi do të prezantohet fillimisht në teatrot e SHBA-së më 2 Prill dhe më pas në Mbretërinë e Bashkuar më 10 Prill.
Billie e shkroi këngën me vëllanë e saj Finneas, i cili gjithashtu ka një talent të jashtëzakonshëm në muzikë.
“Është çmenduri të jesh pjesë e kësaj në çfarëdo lloj mënyrë. Të jesh në gjendje të realizosh këngën për një film që është pjesë e një serie kaq legjendare është një nder i madh.“- tha Eilish në një deklaratë ku shtoi se ende ndihej e shokuar.
Billie Eilish e cila ka mbushur 18-vjeç në muajin dhjetor, aktualisht po garon për gjashtë çmime Grammy në shfaqjen e këtij muaji. Ajo është nominuar për çmimin për albumin më të mirë, këngën dhe rekordin e vitit dhe si artistja e re më e mirë.
Ajo ishte ende 17 vjeçe kur u nominua për këto çmime, duke u bërë artistja më e re në historinë e çmimeve Grammy që e arrin këtë.
Këngët e filmave të James Bond përgjatë viteve:
- 1963 From Russia With Love – Matt Monro
- 1963 James Bond Theme – John Barry Orchestra
- 1964 Goldfinger – Shirley Bassey
- 1965 Thunderball – Tom Jones
- 1967 You Only Live Twice – Nancy Sinatra
- 1969 We Have All The Time in the World – Louis Armstrong
- 1971 Diamonds are Forever – Shirley Bassey
- 1973 Live and Let Die – Paul McCartney & Wings
- 1975 The Man With The Golden Gun – Lulu
- 1977 Nobody Does It Better – Carly Simon
- 1979 Moonraker – Shirley Bassey
- 1981 For Your Eyes Only – Sheena Easton
- 1983 All Time High – Rita Coolidge
- 1985 A View To A Kill – Duran Duran
- 1987 The Living Daylights – A-ha
- 1989 License To Kill – Gladys Knight
- 1995 GoldenEye – Tina Turner
- 1997 Tomorrow Never Dies – Sheryl Crow
- 1999 The World Is Not Enough – Garbage
- 2002 Die Another Day – Madonna
- 2006 You Know My Name – Chris Cornell
- 2008 Another Way To Die – Alicia Keys & Jack White
- 2012 Skyfall – Adele
- 2015 Writing’s On The Wall – Sam Smith
- 2020 Song name TBA – Billie Eilish
