Irani thotë se ka arrestuar personin i cili ka filmuar videon ku shfaqet avioni ukrainas duke u qëlluar nga një raketë.
Besohet se personi që po ndalohet do të përballet me akuza në lidhje me sigurinë kombëtare, shkruan BBC.
Avioni ukrainas u rrëzua pasi u ngrit nga Teherani të mërkurën e javës së kaluar, duke vrarë të gjithë 176 personat që ndodheshin në bord.
Irani thotë se e ka rrëzuar avionin aksidentalisht dhe njoftoi arrestimin e disa personave lidhur me incidentin.
Presidenti Hassan Rouhani tha që hetimi i vendit të tij do të mbikëqyhej nga një “gjykatë speciale”.
Irani fillimisht e mohoi që avioni ishte goditur nga një raketë, por më vonë e pranoi se avioni i pasagjerëve ishte goditur nga sistemet e tij të mbrojtjes ajrore.
Kur videoja u shpërnda në mediat sociale, analistët arritën në përfundimin se avioni ishte goditur nga një raketë.
BREAKING: New video appears to show missile hitting Flight 752 before it crashed near Tehran, killing 176 people pic.twitter.com/Jb3Cy3OgUT
— BNO News (@BNONews) January 9, 2020
Mediat iraniane raportuan se Garda Revolucionare Elitare e Iranit kishte arrestuar një person që publikoi një video javën e kaluar, ku shihej raketa që goditi aeroplanin.
Por një gazetar iranian me qendër në Londër që postoi i pari pamjet ka këmbëngulur që burimi i tij është i sigurt dhe se autoritetet iraniane kanë arrestuar personin e gabuar.
