Një bombol gazi ka shpërthyer mëngjesin e sotëm në një byrektore nëzonën e Yzberishtit në kryeqytet.
Mësohet se se si pasojë e shpërthimit ka mbetur e plagosur punëtorja e byrektores, që ndodhet në rrugën “3 Dëshmorët” në Yzberisht. Shpërthimi ka shkaktuar edhe dëme materiale duke e shkatërruar plotësisht biznesin në fjalë.
Gruaja e plagosur ndodhet në spital jashtë rrezikut për jetën.
Byrektorja ku ka ndodhur shpërthimi ndodhet në katin e parë të një pallati dhe punonjësja sapo kishte nisur përgatitjet për të filluar punën.
