Sot do të mblidhet Këshilli Politik për reformën zgjedhore, i krijuar ditën e djeshme nga PS-PD-LSI dhe Rudina Hajdari si pjesë e opozitës parlamentare, për të arritur në një marrëveshje për reformën zgjedhore.
Kështu në mbledhje do të marrin pjesë si përfaqësues të maxhorancës por dhe opozitës jashtëparlametare, hap i cili vjen pas tryezës së maxhorancës me opozitën.
Në mbledhjen e sotme, Partia Demokratike do të përfaqësohet nga Oerd Bylykbashi, ndërsa Lëvizja Socialiste për Integrim nga Petrit Vasili.
Nga maxhoranca sikurse edhe në tryezën e përbashkët të dy ditëve më parë, do të marrin pjesë bashkëdrejtuesit e Komisionit Parlamentar të Reformes Zgjedhore Damian Gjiknuri dhe Rudina Hajdari.
Pjesë e tryezës do të jetë dhe anëtari i grupit parlamentar të PS-së, Ervin Bushati, Myslim Murrizi nga grupi parlamentar demokrat, si dhe përfaqësues i grupit të pavarur parlamentar Nimet Musai.
E pranishme do të jetë edhe Mesila Doda nga PDIU-ja, Fatmir Mediu nga Partia Republikane dhe kreu i PBDNJ-së, Vangjel Dule.
