Agjencia Kombëtare e Ushqimit në Shkodër ka bllokuar në pikën e inspektimit kufitar Hani i Hotit, 4,032 kg marmelatë, të ambalazhuar në kova plastike 14 kg.
Malli ishte nisur nga Serbia me destinacion qytetin e Shkodrës. Por në momentin e hyrjes në vendin tonë i kishte mbetur afat përdorimi më pak se gjysma e jetëgjatësisë dhe për rrjedhojë nuk plotësonte kërkesat ligjore të parashikuara në pikën 2 të Urdhërit Nr.250, datë 29.07.2011 “Mbi disa masa për hyrjen në territorin e Republikës së Shqipërisë të produkteve ushqimore” dhe si e tillë nuk ishte e përshtatshëm për konsum human.”
Në bazë të legjislacionit në fuqi, AKU nuk lejoi futjen e këtyre produkteve në territorin e Republikës së Shqipërisë.
“Ngarkesa me këtë produkt ushqimor u kthye në vendin e origjinës. Siguria ushqimore është prioritet i punës tonë dhe për asnjë rast nuk do të ketë tolerim ndaj abuzuesve,” theksoi AKU.
