Ish-Drejtori i Përgjithshëm i Burgjeve, Arben Çuko është shpallur i pafajshëm nga gjykata.
Çuko akuzohet për moskallëzim krimi gjatë kohës kur ushtronte detyrën. Gjithashtu Çuko doli edhe në përgjimet e grupit të “Avdylajve”, ku u arrestua si pjesë e grupit “Vol-Vo 4”.
Në këto përgjime Çuko u zbulua se favorizoi një të dënuar për të lëvizur nga një burg në një tjetër. Gjithashtu Arben Çuko u akuzua edhe për korrupsion, pasi shoferi i tij dyshohet se kishte marrë një shumë parash për të lehtësuar kushtet e një të dënuari.
Ditën e sotme, Gjykata në seancën paraprake pushoi çështjen e ngritur ndaj tij.
Arben Çuko ka qenë edhe deputet i Parlamentit nga radhët e Partisë Socialiste.
