Numri i viktimave nga shpërthimi i vullkanit të Ishullit të Bardhë në Zelandën e Re, ka shkuar në 21. Reuters shkruan se një person tjetër vdiq në spital nga lëndimet.
Emri i të ndjerit do të publikohet pasi të jenë informuar familjarët, tha policia në Zelandën e Re në një deklaratë.
Të mbijetuarit e tjerë të shpërthimit vullkanik që ndodhi muajin e kaluar, janë ende duke u trajtuar për djegie të rënda në spitalet në Australi dhe Zelandën e Re.
Nga 21 viktimat, 18 prej tyre kanë ndërruar jetë në Zelandën e Re dhe dy në spitalet në Australi.
Kryeministrja Jacinda Ardern ka deklaruar se hetimet zyrtare për shpërthimin e 9 dhjetorit dhe përgjigja e Zelandës së Re do të zgjasë deri në një vit.
