Kënga e saj “Whenever, Whereever” u publikua 19 vjet më parë. Por kurrë nuk ka qenë më e klikuar se sot, falë performancës së Shakirës në shfaqjen e të dielës në Super Bowl.
Siç shkruan Daily Mail, kënga arriti në numrin një në grafikun e këngëve të “iTunes Top 100” këtë javë, një pozicion që nuk e arriti kurrë as në kulmin e saj.
Kënga arriti në numrin gjashtë në tabelat e Billboard në fillim të viteve 2000. Në dhjetëshen e parë të kësaj jave, ishin dhe hite të tjera të këngëtares kolumbiane si: Hips Don’t Lie” (në vend të 3-të), Waka Waka (në vend të 5-të) dhe She Wolf (në vend të 8-të).
Kjo është një javë e madhe për karrierën e 43-vjeçares, e cila së bashku me Jennifer Lopez dhanë një shfaqje në Super Bowl, në Miami.
Po ashtu, të hënën Shakira njoftoi se do të fillojë një turne botëror në vitin 2021.
