Kreu i Shtetit Ilir Meta gjatë vizitës zyrtare në ShBA zhvilloi një takim me Kryetarin e Komisionit për Sigurinë Kombëtare, Ron Johnson.
Meta shkruan pas takimit se Shqipëria beson në angazhimin e ShBA-së në Ballkanin Perëndimor .
“Një pritje e ngrohtë në Senatin Amerikan nga Kryetari i Komisionit për Sigurinë Kombëtare dhe i Nën-Komisionit për Europën, Senatori Republikan, z.Ron Johnson.
Shqipëria beson në angazhimin e domosdoshëm të SHBA në Ballkanin Perëndimor, si faktor kyç për paqen, sigurinë, stabilitetin dhe konsolidimin e demokracisë dhe të shtetit ligjor”-shkruan Presidenti Meta.
