Dy mësues humbën jetën në një aksident tragjik që ndodhi pranë Memaliajt.
Një mjet tip ‘Mercedes-Benz’ brenda të cilit ndodheshin katër mësues ra në një kanal kullues anash rrugës duke marrë jetën e dy prej tyre dhe duke plagosur dy të tjerët.
Viktimat janë Aleksandër Sako dhe Orinda Hoxha, ndërsa të plagosur kanë mbetur Orinda Qendro e Petrit Zaçe të cilët janë dërguar në spitalin e Gjirokastrës.
Njoftimi i policisë
‘Memaliaj/ Informacion paraprak
Në rrugën nacionale Memaliaj-Krahës, në vendin e quajtur “Mogila”, një automjet tip Benz ka dale nga rruga dhe është përmbysur. Si pasojë kanë humbur jetën drejtuesi i mjetit dhe pasagjeri që ndodhej në mjet.
Në vendngjarje shkoi grupi hetimor dhe po punon për zbardhjen e shkaqeve të aksidentit.’
