Policia ka dhënë detaje nga operacioni i zhvilluar në disa qarqe të vendit gjatë tre ditëve nga kontrollet e zhvilluara për masat kundër trafikimit të lëndëve narkotike apo edhe armëmbajtjes pa leje.
Gjatë kontrolleve policia ka shoqëruar 134 persona me precedent kriminal apo pa dokumente identifikimi gjithashtu edhe disa mjete luksoze të cilat do i nënshtrohen verifikimit.
“Si rezultat i kontrolleve, gjatë 72 orëve të fundit, janë shoqëruar në Drejtoritë Vendore të Policisë në Qarqe, një numër i konsiderueshëm automjetesh luksoze, të cilat do t’i nënshtrohen verifikimit të dokumentacionit.
Njëkohësisht janë shoqëruar në të gjitha Drejtoritë Vendore, 134 persona me precedent kriminal apo pa dokument identifikimi me vete, të cilët qarkullojnë në orët e vona të natës. Këta persona i janë nënshtruar verifikimeve dhe kontrolleve të mëtejshme”-thuhet në njoftimin e policisë.
