Uashingtoni ka të drejtë të bllokojë agjencitë federale amerikane nga blerja e produkteve nga Huawei për arsye të sigurisë në internet, një gjykatës vendosi të martën, duke hedhur poshtë sfidën ligjore të gjigantit kinez të telekomit ndaj ndalimit të blerjes.
Huawei e ngriti padinë vitin e kaluar dhe pretendoi se Kongresi kishte dështuar të sigurojë prova për të mbështetur një ligj që ndaloi agjencitë qeveritare të blinin pajisjet e saj, shërbimet ose të punonin me palët e treta që janë klientë të Huawei.
Por gjykata vendosi se nuk kishte të drejtë të garantuar me kushtetutë për një kontratë me qeverinë federale.
Ndalimi ishte i justifikuar në kontekstin e një hetimi të kongresit “mbi një kërcënim të mundshëm kundër sigurisë në internet të kombit”, shkroi gjykatësi i rrethit amerikan Amos Mazzant.
Huawei tha në një deklaratë se ishte i zhgënjyer nga vendimi dhe “do të vazhdojë të marrë në konsideratë opsionet e mëtejshme ligjore”.
Uashingtoni ka konsideruar prej kohësh Huawei një rrezik të mundshëm sigurie për shkak të sfondit të themeluesit Ren Zhengfei, një ish-inxhinier i ushtrisë kineze.
