Zv.presidenti Mike Pence ka premtuar se astronautët amerikanë së shpejti do të arrijnë në hapësirë brenda raketave të bëra nga SHBA-ja, por me Boeing dhe SpaceX që po luftojnë për të ndërtuar një anije hapësinore të besueshme, madje edhe NASA është skeptike.
“Para se të nisë vera… Shtetet e Bashkuara do t’i kthejnë astronautët amerikanë në hapësirë në raketa amerikane, nga toka amerikane. Ne po kthehemi në hapësirë dhe po kthehemi nga SHBA-ja”– tha Pence para një publiku në Qendrën Kërkimore Langley të NASA-s të mërkurën.
Pa një anije të vetën, NASA u është drejtuar korporatave për të zhvilluar dhe furnizuar anijen e saj kosmike. Fllimisht në vitin 2017 me SpaceX-in e Elon Musk që akoma është në luftime me Boeing për punën.
E shpërblyer me 5,1 miliard dollarë nga fondet federale për kapsulën e saj Starliner, Boeing ka luftuar për të përsosur pajisjen e vet fluturuese.
Kompania u detyrua të ndërpresë një fluturim provë pa pilot në Stacionin Ndërkombëtar Hapësinor (ISS) në dhjetor për shkak të një programi kompjuterik, duke e shtyrë këtë për në mesin e këtij viti.
Gjë e cila me shumë mundësi e ka nxjerrë kompaninë nga gara deri në verë. Programi i Dragon Crew, 3.1 miliardë dollarë, ka shënuar rezultate më të mira – duke përfunduar një mision të suksesshëm pa pilot në Mars 2019 – por me vonesa dhe çështje teknike. Edhe kjo mund të mos e arrijë dot premtimin e Pence.
Vetë NASA duket se nuk ka besim në afatin kohor optimist të zv.presidentit, pasi agjensia aktualisht po negocion për vende në dy fluturime të Soyuz-it rus drejt Stacionit Hapësinor Ndërkombëtar, që sipas RT-së janë planifikuar për këtë tetor dhe prill të vitit 2021.
Astronautët amerikanë kanë fluturuar me homologët e tyre rusë pasi programi i anijeve amerikane u hoq në vitin 2011, me NASA-n që detyrohet të paguajë rreth 80 milionë dollarë për një vend.
