SPAK dërgon për miratim7 akte në Gjykatë, heq sekuestron për një pasuri

SPAK ka dërguar për miratim sekuestroje në Gjykatën e Posaçme të Shkallës së Parë për Korrupsionin dhe Krimin e Organizuar aktet për 7 raste.

Nga SPAK janë dërguar për miratim sekuestroje pasuritë e mëposhtme:

1. Ndërtesë katër kate me pishinë, e ndodhur në Shkodër.
2. Automjeti, marka “Jeep”, vit i prodhimit 2008.
3. Automjet, marka “Audi A8”.
4. Vilë katërkatëshe e ndodhur në Pjezë, Durrës.
5. Kompleksi “Golden Resort”, i ndodhur në Pjezë, Durrës.
6. Karburanti “ALT OIL 2008”, i ndodhur në Pjezë, Durrës.
7. Vilë dykatëshe, e ndodhur në Pjezë, Durrës.
8. Pasuria tokë arë, me sipërfaqe 3280 m2, e ndodhur në Pjezë, Durrës.
9. Pasuria tokë arë, me sipërfaqe 398 m2, e ndodhur në Pjezë, Durrës.
10. Pasuria tokë arë, me sipërfaqe 561 m2, e ndodhur në Pjezë, Durrës.
11. Pasuria, me sipërfaqe 700 m2, nga të cilat truall nën objekt 478 m2, godinë ekonomike 2 kate dhe ambiente shërbimi (Shoqëria “SABA-Taullau 3” shpk), e ndodhur në Lushnjë.
12. Pasuria me sipërfaqe 595 m2, nga të cilat truall nën objekt 418.72 m2, godinë ekonomike 2 (dy) kate, karburant dhe ambiente shërbimi, e ndodhur në Lushnjë.
13. Pasuria me sipërfaqe 235 m2, nga të cilat truall nën objekt 104.7 m2, godinë banimi 2 (dy) kate, e ndodhur në Lushnjë.
14. Pasuria me sipërfaqe 465 m2, nga të cilat truall nën objekt 155 m2, godinë ekonomike 1(një) kat dhe podrum, e ndodhur në Lushnjë.
15. Automjet tip “Nisan Pathfinder”, ngjyrë gri.
16. Automjeti tip “JEEP”,  me ngjyrë të errët

Ndërkohë me datën 22.02.2020, është vendosur heqja e masës së sekuestros (në kushte emergjence) të vendosur me Urdhërin Nr.138 datë 04.02.2020, të Drejtorit të Përgjithshëm të Policisë së Shtetit, për pasurinë “Banesë 1 (një) kat, e ndodhur në Shkodër”, pasi u vlerësua që është sekuestruar në kundërshtim me kërkesat e Aktit Normativ.

Në lidhje me kërkesat e tjera të paraqitura për vlerësim nga Policia e Shtetit, vazhdojnë procedurat e vlerësimit nga prokurorët e Prokurorisë së Posaçme.