Në një kohë kur Italia po përballet me një situatë tejet të vështirë për shkak të koronavirusit që i ka marrë jetën 7 personave deri më tani, kryeministri Giuseppe Conte ka fajësuar një spital për përkeqësimin e situatës.
Pas mbledhjes urgjente të thirrur në Palazzo Chigi, mbrëmjen e kaluar, kryeministri Giuseppe Conte tha se një gabim kishte kontribuar në përhapjen e mëtejshme të koronavirusit pasi një spital nuk kishte zbatuar protokollet e duhura.
“Ne nuk mund të parashikojmë përparimin e virusit. Pati një shpërthim dhe prej andej u përhap edhe në administrimin e një strukture spitalore që nuk është plotësisht i veti sipas protokolleve të kujdesshme që rekomandohen në këto raste, dhe kjo ka kontribuar në përhapjen. Ne vazhdojmë me kujdes dhe ashpërsi maksimale “.– tha Conte, citon Rai.
Kryeministri italian tha gjithashtu se ndikimi i shpërthimit të koronavirusit në ekonomi mund të jetë shumë i fortë.
“Ndikimi ekonomik mund të jetë shumë i fortë. Në këtë moment ne mund të llogarisim se do të ketë një ndikim negativ ekonomik, ne nuk jemi akoma në gjendje të parashikojmë se çfarë do të ndodhë”– u tha ai gazetarëve.
Italia po mundohet të përmbajë shpërthimin e koronavirusit, që është përqendruar në rajonet veriore të Lombardisë dhe Venetos, zonat më të mira industriale dhe financiare të vendit.
Rastet e të infektuarve janë rritur mbi 220, ndërsa janë raportuar shtatë viktima.
