Një velierë me 4 persona në bord është vënë në rrezik në afërsi të Currilave në Durrës, për shkak të motit të keq.
Mjeti lundrues ishte nisur nga Mali i Zi dhe kishte si destinacion Turqinë, mirëpo moti i keq e kishte nxjerrë në afërsi të bregut.
Në. bord ndodheshin tre shtetas turq dhe një amerikan, të cilët kërkuan ndihmë. Sinjali SOS u kap nga kapitenaria e portit.
Në ndihmë të tyre shkuan forcat e policisë kufitare dhe nxorën në breg 4 personat qe ishin ne bord. Ata u akomoduan në një hotel aty pranë. Gjendja e pjesëtarëve të ekuipazhit paraqitet e mirë.
Pasi të qetësohet deti do të shikohet mundësia e nxjerrjes së mjetit lundrues nga vendi me shkëmbinj nënujorë ku ka ngecur.
