Papa Françesku është ende pak i sëmurë, gjë që e ka detyruar të shtyjë të gjitha daljet e tij zyrtare për të premten, por po punon nga rezidenca e tij.
Në deklaratën për shtyp, Vatikani nuk specifikoi se nga çfarë vuante papa 83-vjeçar.
Në daljen e tij të mërkurën, Papa Françesku dukej se kishte një ftohje dhe foli me një zë pak të ngjirur, dhe ai kolliti gjatë shërbimit në meshën e të njëjtës pasdite në Romë.
Zëdhënësi i tij Matteo Bruni tha se Papa e kishte shërbyer meshën e zakonshme të mëngjesit në shtëpinë e mysafirëve në Santa Marta ku ai jeton dhe i përshëndeti ata që morën pjesë.
Siç shkruan Reuters, Bruni tha se Papa ishte akoma “pak keq”. Papa zakonisht i kalon mëngjeset duke bërë fjalime për grupe të ndryshme dhe duke takuar krerët e shteteve në Pallatin Apostolik të Vatikanit.
