Kryeministri Edi Rama në Kongresin e sotëm të Partisë Socialiste, ka deklaruar se ka ndërmend që nga 1 janari i vitit të ardhshëm, paga minimale të bëhet 300 mijë lekë të vjetra. Rama paralajmëron për një valë të re reformash.
“Kemi krijuar bazën për një zhvillim të ri të ekonomisë, rritje të punësimit real, dhe një shtytje më lart të nivelit të pagave për ata që punojnë në sektorit privat dhe duke nisur nga rritja e pagës minimale
Nuk e bënim dot këtë dje, besojeni nëse tërmeti i 26 nëntorit do kishte rënë në 2013-ën, jo rindërtim, por do ishim futur në gropë bashkë me ata që fatkeqësisht u ndanë nga jeta si shtet e ekonomi e perspektivë.
Detyra jonë është që 2020 ta kthejmë në moment historik force të shembullit qeverisës duke e provuar për njerëzit që aty ku të tjerët panë dritëshkurtësisht fundin tonë, për shkak të tërmetit aty është burimi i forcës tonë për ta cuar në një nivel të ri zhvillimi ekonomik e social vendin.
Këtë pranverë do nisim valën e re të reformave. Paga minimale do jetë 300 mijë lekë nga janari i 2021.
S’do ketë më njerëz që punësohen e marrin më pak se 300 mijë lekë. Kemi operacione jo pak të vogla edhe për të pastruar organizmin politik, një pastrim i vazhdueshëm që duhet të shkojë më thellë”.- tha Rama sot.
