Një ditë pas manifestimit të thirrur nga presidenti Meta, kryeministri Edi Rama ka publikuar një citim të Winston Churchill-it.
Rama e ka kthyer në ritual citimin e personazheve të njohur çdo mëngjes, e mesazhi i mëngjesit të sotëm duket si një kunj për presidentin.
“Asnjëherë nuk do arrish në fund të udhëtimit, nëse çdoherë ndalesh të pushosh një qen që leh”-shkruan Rama.
Ditën e djeshme u organizua një manifestim paqësor, i thiruur nga presidenti Ilir Meta në mbrojtje të Kushtetutës. Në fund të fjalës së tij Meta bëri edhe një paralajmërim për maxhorancën e cila nëse nuk reflekton deri më 15 mars, pas kësaj date do firmosë shpërndarjen e Parlamentit.
Rama tha se ky ishte rasti i parë në botë që presidenti, i cili duhet të jetë mbi palët, organizon një protestë kundër qeverisë.