Në 1 mars hyri në fuqi ligji i ri për fuqinë punëtore në Gjermani, i cili i referohet forcave të kualifikuara të punës jashtë BE.
Aktualisht, në vend mungojnë më shumë se 1 milion vetë fuqi punëtore e kualifikuar. Për këtë arsye qeveria gjermane u hodh në veprim duke miratuar ligjin e ri për fuqinë punëtore të kualifikuar.
Këtu nuk hyjnë vetëm njerëzit që kanë përfunduar universitetin, por edhe ata me shkollim profesional, që ka zgjatur të paktën dy vjet dhe është i krahasueshëm me shkollimin gjerman. Certifikatat apo diplomat duhet së pari të njihen në Gjermani.
Për më shumë lidhur me këtë çështje ka folur ambasadori Peter Zingraf i cili nëpërmjet një videomesazhi ka shpjeguar rregullat e ligjit të ri.
- Më 1 mars 2020 hyn në fuqi në Gjermani “Ligji për Imigrimin e Fuqisë Punëtore të Kualifikuar”.
- Ai zgjeron mundësitë për një emigrim të fuqisë punëtore të kualifikuar nga e gjithë bota drejt Gjermanisë.
- Çfarë do të ndryshojë?
- Ekzistojnë mundësi të reja për punonjësit e kualifikuar për të marrë më shpejt vizën,nëse ata kanë një kualifikim profesional ose diplomë universiteti, e cila njihet në Gjermani.
- Por, ashtu si deri më sot, mbetet i vlefshëm rregulli: Viza është e domosdoshme përpara largimit për në Gjermani.
- Për të përfituar nga Ligji i ri për Fuqinë Punëtore është e rëndësishme: Fillimisht bëni njohjen e kualifikimeve dhe më pas aplikoni për vizë.
- Diplomate huaja universitare dhe kualifikimet profesionale si rregull duhet të njihenfillimishtnga institucionetgjermane.
- Si mund ta bëni këtë, kujt duhet t’i drejtoheni, këtë e gjeni në faqen e internetit të Ambasadës Gjermane.
- Në Shqipëri po shohim vitet e fundit një kërkesë të madhe për viza punësimi në Gjermani.
- Rregullat e njohur, veçanërisht aksesi i lehtësuar në tregun e punës gjerman për punonjësit e pak ose aspak të kualifikuar, mbeten ende në fuqi.
- Ne në Ambasadë po bëjmë më të mirën tonë për t‘u shërbyer sa më shpejt të jetë e mundur personave që kanë bërë tashmë një aplikim.
- Por ne kemi për momentin një kohë pritjeje më të gjatë se një vit për aplikuesit shqiptarë pa kualifikim profesional ose diplomë universitare.
- Më lejoni të theksoj në këtë kontekst se qëllimi ynë që prej tridhjetë vitesh është të përmirësojmë shanset dhe mundësitëkëtu në Shqipëri.
- Për këtë kemi financuar që prej vitit 1988 projekte të bashkëpunimit për zhvillim në vlerën e mbi një miliard eurove.
- Këtu e kam fjalën kryesisht për projekte të infrastrukturës si furnizimi me ujë të pijshëm por veçanërisht edhe për zhvillimin e turizmit, zhvillimin rural, mbështetjen e Startup-eve dhe arsimin dual profesional.
- Prandaj informohuni edhe përperspektivat në Shqipëri, për shembull tek Qendra Gjermane e Informacionit për Migracion, Arsim Profesional dhe Karrierë (DIMAK) në Tiranë dhe Shkodër!
