Skënderbeu ka fituar ndaj Kukësit me rezultatin 2-1 në sfidën e luajtur pa tifozë. Me këtë fitore, “ujqërit e dëborës” i thellojnë krizën Kukësit ndërsa vetë vazhdojnë ngjitjen në tabelë duke kapur vendin e katërt pas 26 javësh.
Korçarët shënuan me Bregun dhe Ditën ndërsa “verilindorët” shënuan me Ethemin.
Në sfidën tjetër, Vllaznia i ka hapur jo pak telashe Partizanit duke i marrë tre pikë dhe e dërguar më poshtë tabelës.
Sfida e mbyll që në pjesën e parë me penalltinë e Likës në minutën e 35, ndërsa “demat e kuq” u treguan të pafuqishëm për të reaguar.
