Një person është plagosur në Fier pas të shtënave me armë.
Ngjarja ka ndodhur rreth orës 17:30, në lagjen “11 Janari”.
Policia bën me dije se i plagosur ka mbetur shtetasi M.Rr 35-vjeç, pas një konflikti me armë zjarri.
“Pas një konflikti të çastit, është plagosur në këmbë me armë zjarri shtetasi me inicialet M. Rr, 35 vjeç, banues në Fier, i cili ndodhet jashtë rrezikut për jetën në Spitalin Rajonal Fier.
Policia ka bërë të mundur identifikimin e autorit të dyshuar dhe po punon për kapjen e tij.
Grupi hetimor ndodhet në vendngjarje dhe po punon për zbardhjen e plotë të kësaj ngjarje”-thuhet në njoftimin e policisë.
