Mjek infeksionist, Pëllumb Pipero, deklaroi në emisionin “Opinion” se situata në Shqipëri është serioze.
Mjeku shpjegoi dhe gjendjen aktuale të 23 të prekurve, ndërsa shtoi se 7 prej tyre janë në gjendje më të rëndë. Pipero theksoi se në vijim numrat e të prekurve nga koronavirusi do të vinë duke u rritur.
“Situata është serioze. Tani që flasim janë 23 veta të konfirmuar, janë 7 pacientë të shtruar, gjendja e tyre është mesatarisht e rëndë. Nuk kanë nevojë për oksigjeno-terapi apo intubim. Disa prej tyre i mbajmë me oksigjeno-terapi, por kanë prekje të polmoneve. Ne e konsiderojmë serioze sepse eksperienca ne Kinë ne mjekët mund të flasim për ta pas ditës 8 ose 9. Ne përpiqemi të mbajmë në parametra optimal organet vitale. I kemi vënë në trajtim në protokollet më të mira të ,mundshme bazuar nga eksperienca e kolegeve. Ndërkohë, vijon gjurmimi i rasteve të reja. Ne jemi në fillim, numrat do vijnë duke u shtuar”-tha Pipero.
