Komuniteti mjekësor i Italisë është në zi pasi ka ndërruar jetë për shkak të koronavirusit, shefi i shoqatës mjekësore në rajonin e Veriut të Italisë.
Siç shkruan CNN, mjeku Roberto Stella, ndërroi jetë të martën mbrëma në Como, ku 67-vjeçari u shtrua në spital për shkak të problemeve me frymëmarrjen pasi ishte infektuar me koronavirus.
Mjeku 67 vjeçar punonte në një klinikë ambulatore në Busto Arsizio, në veriperëndim të Milanos. Ai dhe kolegu i tij u infektuan aty me koronavirusin e ri.
Federata Kombëtare e Mjekëve dhe Praktikantëve të Përgjithshëm të Italisë lëshoi një deklaratë pas lajmit për vdekjen e Stella-s, duke e konsideruar këtë një humbje të madhe.
“Ai ishte shembulli i aftësisë dhe punës së palodhur të mjekëve të familjes”- tha Silvestro Scotti, sekretari kombëtar i federatës.
“Vdekja e tij përfaqëson zemërimin e të gjithë kolegëve që ende sot nuk janë të pajisur me mbrojtjen e duhur individuale të nevojshme.”– thekson Scotti.
Stella ishte një mjek i njohur si në nivelin lokal ashtu edhe në atë kombëtar.
