Kosova ka raportuar dy rastet e para më Covid-19. Lajmi është dhënë zyrtarisht nga ministri i Shëndetësisë, Arben Vitia.
Njëri nga të konfirmuarit pozitiv është shtetase italiane e moshës 20-vjeçare, kurse pacienti i dytë, është një shtetas i Kosovës me moshë 77-vjeçare, shkruan Koha.
Ministri Viti, tha se 15 raste kanë qenë të dyshuara ndërsa vetëm 2 raste janë konfirmuar pozitive me koronavirus.
Ai tha se pacientët janë shtruar në Klinikën Infektive dhe gjendja e tyre shëndetësore rezulton e qëndrueshme.
Kryeministri Kurti nga ana e tij u ka bërë apel qytetarëve që mos bëjnë panik, por me kujdes të shtuar t’iu përmbahen udhëzimeve për parandalimin e Covid-19.
