Në 24 orët e fundit janë konfirmuar me koronavirus 9 persona të tjerë, duke e çuar numrin e përgjithshëm të të infektuarve në vend në 51.
Ministria e Shëndetësisë ka zbuluar se 4 prej të infektuarve të rinj janë mjekë të spitalit “Shefqet Ndroqi” në Tiranë. Përveç 1 rasti të shtuar në Fier, të gjitha rastet e reja të konfirmuara janë në Tiranë, çka do të thotë se harta e qyteteve të prekura nga virusi Covid 19- nuk ka ndryshuar.
RASTET:
Në Durrës – 5 raste
Tiranë – 34 raste
Elbasan – 2 raste
Lushnjë -2 raste
Fier – 6 raste
Rrogozhinë – 2 raste
Prej tyre 20 janë të shtruar në spitalin infektiv në Tiranë. Në terapi intensive janë 3 qytetarë.
Sipas të dhënave të bëra me dije nga Ministrja e Shëndetësisisë, nga 51 personat e infektuar, 7 prej tyre janë mjekë e infermierë.
Nga këta vetëm njëri është nga spitali i Durrësit, ndërsa 6 të tjerët janë të gjithë nga spitali Shefqet Ndroqi, i njohur nga të gjithë shkurt si Sanatoriumi. Ditën e djeshme ishin konfirmuar dy mjekë të infektuar në spitalin “Shefqet Ndroqi” në Tiranë, ndërsa disa ditë më parë ishte konfirmuar rasti i parë i cili është ai i mjekut në Durrës. Sot u konfirmuan 4 rastet e reja.
Zv.ministrja Mira Rakaçolli ka treguar se epidemia te Sanatoriumi në Tiranë, është përhapur nga një pacient i cili ishte vizituar nga një i afërm që kishte qenë në Itali kohët e fundit.
DETAJET E MINISTRISË SË SHËNDETËSISË
Në vijim të punës së kujdesshme dhe profesioniste të bërë nga ISHP dhe njësitë e kujdesit vendor, për identifikimin dhe gjurmimin e rasteve, në 24 orët e fundit janë testuar 31 persona të dyshuar, qytetarë dhe personel shëndetësor, prej të cilëve janë konfirmuar 9 raste të reja me COVID-19. Deri në këto momente janë testuar 563 raste të dyshuara dhe prej tyre janë të konfirmuar pozitivë me COVID-19, 51 raste:
Nga rastet e konfirmuara pozitivë:
Tiranë – 34 raste
Durrës – 5 raste (njëri prej të cilëve ka ndërruar jetë)
Lushnje – 2 raste
Elbasan – 2 raste
Fier – 6 raste
Rrogozhinë – 2 raste
Prej tyre:
20 janë të shtruar në spitalin Infektiv (nga Tirana, Durrësi, Fieri, Lushja dhe Rrogozhina).
Prej tyre janë në terapi intensive tre qytetarë, njëri prej të cilëve në respiracion të drejtuar.
Ndërsa pjesa tjetër e të shtruarve në pavion janë në gjendje të stabilizuar deri në këto momente.
Në vijim të HETIMIT TË HOLLËSISHËM EPIDEMILOLOGJIK të filluar ditën e djeshme në spitalin “Shefqet Ndroqi”, kanë dalë pozitiv edhe 4 raste personel shëndetësor (një mjek dhe 3 infermierë) të cilët kanë qenë në kontakt me pacientin, i cili aktualisht po trajtohet në spitalin infektiv dhe që, më herët ka qenë i shtruar në spitalin “Shefqet Ndroqi”.
Siç ju kemi njoftuar, nga gjurmimi i kryer, ky pacient është vizituar në spital nga një i afërm që vinte nga Italia, dhe që NUK E KA DHËNË KËTË INFORMACION TEK STAFET MJEKËSORE.
Personeli është në gjendje të mirë shëndetësore, PA SIMPTOMA dhe i vetëkarantinuar.
Instituti i Shëndetit Publik po vazhdon pa u ndalur hetimi epidemiologjik dhe testimi i rasteve të dyshuara.
Nisur nga sa ju informuam, dua të përsëris edhe një herë thirrjen për qytetarët:
Telefononi në numrin 127!
Jepuni informacion të hollësishëm stafeve mjekësore!
Nëse mbani të fshehtë informacionin e lëvizjeve tuaja nga personeli shëndetësor, rrezikoni të infektoni personelin dhe të afërmit tuaj.
SOT ËSHTË DETYRIM që të mbrojmë personelin shëndetësor.
Ju lutem qytetarë: Shmangni vajtjet direkte në spitale.
Qëndroni në shtëpi!
Respektoni rregullat e reja!
Një thirrje sidomos për të moshuarit mbi 70 vjeç: Ju lutem mos dilni nga shtëpitë!/Hashtag.al
