Dy bomba kanë shpërthyer përpara një zyre qeveritare në Tajlandë, duke lënë të plagosur 18 njerëz.
Reuters shkruan se shpërthimet ndodhën para Qendrës Administrative Provinciale të Kufijve Jugorë (SBPAC), një organ qeveritar që mbikëqyr administrimin e tre provincave me shumicë malazeze-muslimane të Narathiëat, Pattani dhe Yala. Provincat ku u vranë 7,000 njerëz gjatë një kryengritjeje në vitin 2004.
SBPAC ishte duke pritur për të zhvilluar një takim qeveritar, për të diskutuar mbi përgjigjen e rajonit ndaj shpërthimit të koronavirusit.
“Bomba e parë ishte një granatë e hedhur në zonën jashtë gardhit të zyrës SBPAC për të tërhequr njerëzit jashtë“- i tha Reuters koloneli Pramote Prom-in.
“Pastaj një makinë bombë shpërtheu rreth 10 metra larg shpërthimit të parë. Bomba ishte fshehur në një kamion, ku autorët parkuan pranë gardhit. Tetëmbëdhjetë janë plagosur dhe askush nuk vdiq”– tha ai.
Bomba e dytë shpërtheu dhjetë minuta pas shpërthimit të parë dhe midis të plagosurve ishin edhe pesë reporterë, pesë oficerë policie, dy ushtarë dhe kalimtarë të tjerë.
