Kavaja i është shtuar hartës së qyteteve të prekura nga koronavirusi në vend. Janë konfirmuar pas testeve të Institutit të Shëndetit Publik, si të infektuar me Covid-19, një 80-vjeçar dhe një 42-vjeçar nga Kavaja.
Ndërkohë janë regjistruar dhe 3 raste të reja në kryeqytet, i cili mban rekordin për numrin më të lartë të të infektuarve, plot 45. Drejtoresha e Institutit të Shëndetit Publik, Albana Fico, tha se bëhet fjalë për tre shtetas italianë, të cilët ndodhen aktualisht në Shqipëri.
Deri tani, numri i të konfirmuarve me koronavirs në të gjithë vendin ka shkuar në 64.
RASTET:
- Tiranë- 45 qytetarë
Durrës- 5 qytetarë
Lushnjë- 2 qytetarë
Elbasan- 2 qytetarë
Fier- 6 qytetarë
Rrogozhinë- 2 qytetarë
Kavajë- 2 qytetarë
Në Spitalin Infektiv në Tiranë ndodhen 32 pacientë të shtruar, 3 prej të cilëve vijojnë të qëndrojnë në terapi intensive, por asnjëri prej tyre nuk është në respiracion të drejtuar./Hashtag.al
