Një 18-vjeçar ka ndërruar jetë nga koronavirusi duke u bërë personi më i ri që ndërron jetë në Britaninë e Madhe.
Bilancin i viktimave ka shkuar në 281, ndërkohë që janë regjistruar edhe 665 raste të reja.
Kryeministri britanik Boris Johnson ka kërcënuar të mbyllë parqet nëse njerëzit nuk e mbajnë distancën e tyre sociale, raporton BBC.
Ai u kërkoi familjeve të qëndrojnë larg dhe në vend të kësaj festojnë Ditën e Nënës përmes Skype dhe komunikimeve të tjera të largëta.
Në një mesazh të ashpër për publikun nga Downing Street këtë pasdite, Johnson tha se edhe pse ai kupton përfitimet e shëndetit fizik dhe mendor të hapësirave të hapura, ai do të ndërmarrë hapa drastikë për të mbrojtur shëndetin.
“‘Duhet të mendojmë për llojet e masave që kemi parë në vendet e tjera që janë detyruar të sjellin kufizime në të gjitha lëvizjet e njerëzve. Unë nuk dua ta bëj këtë sepse jam përpjekur të shpjegoj përfitimet e shëndetit publik,” tha ai.
Vërejtjet janë një ngritje e presionit nga Downing Street, por ka të ngjarë të rezultojë në rritje të kërkesave për veprimin që do të zhvillohet menjëherë në përputhje me shtetet e tjera – me disa që thonë se duhet të ishte bërë tashmë.
