Pas shfaqjes në zyrën e tij, në kryeministri, kreu i qeverisë ka pasur një ditë të ngjeshur mediatike, e cila nuk është mbyllur ende.
Fillimisht Rama doli në zyrë due u bërë thirrje qytetarëve që të bënin kujdes, të zbatonin kufizimet për të frenuar përhapjen e koronavirusit.
Në paralajmërimin e tij për qytetarët, kreu i qeverisë nuk harroi të përmendë të vdekurit, varret e varrezat e kamionët ushtarakë për transportimin e trupave.
Pas rreth një ore, ai u shfaq në News24. Në bashkëbisedimin e tij me gazetaren Nisida Tufa, Rama u përsëriti qytetarëve të njëjtat këshilla ndërsa sqaroi disa gjëra lidhur me shpërndarjen e pensioneve, ushqimeve e të hollave për kategoritë në nevojë. Megjithatë nuk përfundon këtu shfaqja në media e kreut të qeverisë.
Më pas ai u shfaq në ABC News në një bashkëbisedim me gazetarin Endri Xhafo. Edhe këtu Rama u bëri thirrje qytetarëve që të resektojnë kufizimet e qeverisë si dhe iu përgjigj disa pyetjeve.
Ai tha se priste që në vend të prekeshin 60%-70% e popullsisë si dhe konfirmoi pezullimin për gjashtë muaj të koncesionit të check up-it.
