Përgjigja fillestare e BE-së ndaj shpërthimit masiv të koronavirusit në Itali ishte e papërshtatshme dhe mungesa e solidaritetit evropian hapi dyert për Rusinë dhe Kinën, i tha ish-ministri i Jashtëm italian Franco Frattini.
Epiqendra e re e pandemisë së frikshme, Italia, ka luftuar për të ndaluar përhapjen e Covid-19 për javë të tëra. Sëmundja ka vrarë tashmë më shumë se gjashtë mijë njerëz në vend, me mbi 60 mijë njerëz të infektuar.
BE-ja e nënvlerësoi virusin, duke fajësuar shpërthimin në Itali për të metat e sistemit të tij të kujdesit shëndetësor kombëtar.
Si rezultat, Brukseli, i cili predikon solidaritetin pan-Evropian, nuk arriti të veprojë kur ky solidaritet ishte e nevojshëm përballë një krize që përfundimisht preku të gjithë bllokun.
‘Brukseli nuk po bën mjaft. Në momentin e parë, Italia ishte praktikisht e vetme kundër virusit. Shumë thoshin se gjithçka ishte për shkak të zakoneve italiane, sepse italianët nuk respektojnë rregullat. Papritur, ata kuptuan se të gjitha vendet e tjera ishin prekur në mënyrë të barabartë.’ – tha Frattini.
