Vendosni fjalën kyçe....

Familjari i punonjëses së Kadastrës së Korçës preket nga Covid-19, vetëizolohen punonjësit e tjerë


Një familjar i një prej punonjëseve të Kadastrës së Korçës ka rezultuar pozitiv me Covid-19 dhe kjo ka çuar në vetëizolimin e të gjithë punonjësve të kësaj drejtorie.

Njoftim është bërë nga dega rajonale e Kadastrës së Korçës ku thuhet se punonjësit e kësaj drejtorit janë vetëizoluar që ditën e djeshme.

Deri në një njoftim të dytë, kjo drejtori do qëndrojë e mbyllur thuhet në njoftimin e publikuar në Facebook.

Njoftimi

Të nderuar qytetarë, me keqardhje ju njoftojmë se një prej familjarëve të një prej punonjëseve të Drejtorisë Rajonale Korçë, pas egzaminimit rezultoi pozitive në testin evirusit Kovid 19.

Në zbatim të protokolleve mjekësore të miratuara, testit ju nënshtruan edhe familjarët e qytetarit në fjalë, përfshirë dhe punonjësen tonë. Meqenëse edhe ajo rezultoi pozitive në këtë test, aktualisht i është nënshtruar procedurës mjekësore të vetëizolimit në familje.

Nga ana jonë, në zbatim të protokolleve mjekësore, u mor vendimi për t’ia nënshtruar vetëizolimit të gjithë punonjësit e asaj Drejtorie Rajonale, gjë e cila ka filluar të aplikohet që prej ditës së djeshme. Për këtë arsye nga dita e sotme dhe deri në një njoftim të dytë, Drejtoria Rajonale Korçë do të jetë jofunksionale. Do të jemi vazhdimisht në kontakt me strukturat përgjegjëse shëndetësore, për të ndjekur ecurinë e mëtejshme të stafit. Duke ju kërkuar ndjesë qytetarëve, bashkarisht i urojmë punonjëses tonë shërim të shpejtë.


Leave a Reply

Your email address will not be published. Required fields are marked *