Koreja e Veriut tha se ka humbur besimin te dialogu me Uashingtonin pasi Sekretari i Shtetit, Pompeo bëri thirrje për më shumë presion ndaj Phenianit.
Në deklaratën e botuar nga agjencia shtetërore e lajmeve një diplomat koreano-verior tha se vendi i tij do vijojë projektet e tij të rëndësishme pavarësisht qëndrimit të SHBA-së.
“Ne do të vijojmë rrugën tonë de duam që SHBA të mos na shqetësojë”, tha zyrtari.
Javën e kaluar, Pompeo u bëri thirrje të gjitha vendeve që të shtojnë presion ndaj Phenianit për ta detyruar atë të ulet në tavolinën e bisedimeve.
