Tre pacientë janë transferuar sot në spitalin ‘Shefqet Ndroqi’, duke e çuar në 4 numrin e pacientëve të shtruar atje.
Lajmi është konfirmuar nga ministrja e Shëndetësisë, Ogerta Manastirliu, e cila thotë se kjo është bërë pas mbërritjes së 5 respiratorëve të rinj në spitalin COVID 2 “Shefqet Ndroqi”.
Manastirliu thotë se qeveria vendosi dje financimin edhe të 50 respiratorëve të tjerë për situatën e emergjencës së shkaktuar nga koronavirusi.
“5 respiratorë e rinj, pjesë e financimit të qeverisë shqiptare prej 54 respiratorësh që po plotësojnë kapacitetet e terapisë intensive, tashmë janë vendosur në punë në spitalin “Shefqet Ndroqi”, ku nga mëngjesi i sotëm po trajtohen edhe 3 pacientë të spitalit infektiv të konfirmuar me COVID19❗️
Vijojmë forcimin e kapaciteteve⏩ qeveria vendosi dje financimin edhe të 50 respiratorëve të tjerë për situatën e emergjencës së shkaktuar nga COVID19”, shkruan Manastirliu.
Deri më tani numri i personave të konfirmuar me koronavirus në vend ka shkuar në 277 persona, ndërsa janë regjistruar edhe 16 viktima.
