Franca ka të ngjarë të shohë ngadalësimin e saj më të keq ekonomik që prej kohës së Luftës së Dytë Botërore, për shkak të pandemisë koronavirus, madje shumë më i keq sesa ai i krizës globale financiare në vitin 2009, tha Ministri i Financave, Bruno Le Maire.
“Ndoshta do jemi në më shumë se -2.2 përqind se në vitin 2009. Kjo tregon përmasën e tronditjes ekonomike që po ndeshim,” i tha ai Senatit në një seancë dëgjimore përmes telekonferencës të hënën.
Franca është kombi i pestë më i goditur në botë nga Covid-19, me numrin e vdekjeve nga pandemia që kanë kaluar 8,000, ndërsa ka më shumë se 93,000 njerëz të infektuar.
Qeveria franceze vlerësoi muajin e kaluar në një përditësim të buxhetit emergjent se ekonomia do të tkurrejme një përqind këtë vit, por që nga atëherë ka treguar që do të duhet të rishikojë atë shifër.
