Testimi i popullsisë është një ndër rekomandimet kryesore nga Organizata Botërore e Shëndetësisë si faktor kyç për parandalimin e përhapjes së pandemisë së COVID-19.
Vende të ndryshme kanë strategji të ndryshme për modelin e testimit, masiv apo nëpërmjet hetimit epidemiologjik.
Por si është raporti i Shqipërisë me numrin e testimeve në raport me vendet e rajonit dhe me disa nga vendet botës?
Deri më tani në vendin tonë janë kryer vetëm 2743 testime. Shqipëria në rajon lë prapa Malin e Zi me një popullsi shumë më të vogël se vendi ynë.
Serbia llogarit deri më tani 9626 testime sipas të dhënave të Worldmeters duke u bërë vendi i parë ndër vendet e Ballkanit Perëndimor e ndjekur nga Bosnjë Herzegovina.
Ndërsa në Maqedoninë e Veriut numri i testimeve ka shkuar në 5879 në total ndërsa në Bosnjë janë 6911 duke e bërë vendin e më shumë testime pas Serbisë.
Shifrat nuk mund të krahasohen me vendet e tjera si Greqia apo edhe Bullgaria.
Në botë, SHBA-ja mban numrin më të lartë të testimeve duke e çuar numrin e testimeve mbi 2 milionë./Hashtag.al