Kanë mbërritur në Shqipëri ndihmat me pajisje mbrojtëse për personelin shëndetësor nga SHBA-ja.
Lajmi është bërë i ditur nga vetë Ambasada Amerikane.
Ka qenë vetë ambasadorja Yuri Kim e cila së bashku me Ministren e Shëndetësisë kanë mbikëqyrur dorëzimin e pajisjeve mbrojtëse.
“Jam krenare që mbikëqyra dhurimin e pajisjeve personale të mbrojtjes nga programi për Asistencë Humanitare i Komandës Europiane të Shteteve të Bashkuara për aleaten tonë Shqipërinë, për të ndihmuar Ministria e Shëndetësisë dhe Mbrojtjes Sociale në mbrojtjen e punonjësve të shëndetit në vijën e parë”-thuhet në njoftimin e Ambasadës.
