Ndërkohë që mjaft biznese janë mbyllur si pasojë e masave shtrënguese për frenimin e përhapjes së pandemisë së COVID-19, janë disa biznese të tjera që po lulëzojnë.
Bëhet fjalë për dyqanet “sex-shop”, të cilat kanë dyfishuar shitjet e produkteve të tyre përmes blerjeve online. Po edhe në Shqipëri.
Të paktën kështu shprehet për TVT.al, Valer Pinderi , i cili është administratori një sex shop-i online.
Pinderi ka treguar se përgjatë këtyre javëve të izolimit, tregu i produkteve seksuale në vendin tonë ka pësuar një rritje të jashtëzakonshme.
Ai tha se në javën e parë të izolimit, pothuajse të gjitha shitjet u zeruan, por më pas u rrit kërkesa e klientëve për produkte të ndryshme.
Pinderi thotë se femrat shfaqen më të interesuara kryesisht për lodrat e seksit, ndërsa meshkujt që kapin një shifër diku tek 40 %, janë të interesuar më shumë për stimulues.
Pinderi thotë se administron 5 portale shitjesh online dhe ka hapur që nga themelimi edhe 5 të tjera.
Sipas një shkrimi të The Sun, të muajit mars, shitjet e lodrave seksuale janë rritur në Mbretërinë e Bashkuar me 13%, ndërsa në Kanada ka patur një rritje prej 135%, e Italia, një rritje prej 71%.
E kjo rritje nuk është befasuese, pasi njerëzit kërkojnë të mbajnë veten të argëtuar gjatë qëndrimit të mbyllut në shtëpi, e lodrat e seksit janë një mënyrë.
