Maskat për fytyrën nuk janë të detyrueshme kudo, por në Republikën Çeke po.
Vendi Europian ka filluar të lehtësojë kufizimet e vendosura për shkak të koronavirusit, por ndërsa është e lejueshme të dalësh lakuriq në vende të caktuara, goja duhet mbuluar.
Autoritetet çeke kanë marrë shumë ankesa në lidhje me nudistët që dalin pa maskë në ditët e ngrohta, në qytetin e vogël Lázně Bohdaneč.
“Fatkeqësisht, shumë nga qytetarët u mblodhën në grupe të mëdha, dhe disa nuk mbanin maska për fytyrën.”- thuhet në një deklaratë të policisë.
“Pas mbërritjes së policisë, të gjithë ranë dakord të respektojnë rregulloren e qeverisë se maskat e fytyrës janë të detyrueshme jashtë shtëpisë.”
Njoftimi vazhdon: “Qytetarëve u lejohet të jenë pa rroba në vendet e përcaktuara, por ata ende duhet të mbulojnë gojën e tyre dhe të mblidhen vetëm në numrat e duhur”.
Mesazhi duket se është dëgjuar. Siç shkruan CNN, një patrullë e mëpasshme e policisë zbuloi se nga 150 njerëz që kishin hasur, vetëm gjysma kishin nevojë për t’i rikujtuar vendosjen e maskës.
