Kryeministri Edi Rama kërkon sot të miratojë ashpërsimin e Kodit Penal, duke parashikuar dënime të forta për personat që shkelin rregullat e vendosura për frenimin e përhapjes së koronavirusit. Madje edhe 10-15 vjet burg për personat e infektuar, që infektojnë dikë tjetër dhe ky tjetri humb jetën si pasojë e koronavirusit.
Mirëpo sot ka shkelur vetë rregullat e vendosura për zhvillimin e seancës plenare në Kuvend, ku deputetëve u është kërkuar të paraqiteshin me maska, doreza e dezinfektantë.
Madje edhe mbajtja e fjalimeve nga foltorja ishte ndaluar, por kjo s’e pengoi atë të fliste nga aty.
Rregullin e foltores në fakt e shkelën më herët edhe deputetja Rudina Hajdari dhe Lefter Maliqi. Mirëpo këta të fundit të paktën kishin doreza.
Ndërsa u kërkon të tjerëve të zbatojnë rregullat, kryeministri është vetë i pari që jep shembullin e kundërt./Hashtag.al
