Një 72-vjeçar është ndaluar në Sarandë pasi akuzohet se ka kryer marrëdhënie të vazhduara seksuale me një 17-vjeçare.
Policia arrestoi ditën e sotme shtetasin B.T në Sarandë.
Në njoftimin e policisë thuhet se po punohet për nxjerrjen e urdhrave të tjerë të ndalimit për persona të përfshirë në ngjarje.
“Specialistët për Hetimin e Krimit në Komisariatit të Policisë Sarandë, bënë ndalimin e shtetasit B.T, 72 vjeç, lindur e banues në Sarandë.
Ndalimi i tij u bë pasi, ky shtetas në kohë të ndryshme ka kryer marrëdhënie seksuale me një 17 vjeçare nga qytetit i Sarandës.
Policia e Sarandës pas informacionit të marrë ka bërë shoqërimin dhe ndalimin e menjëhershëm të këtij shtetasi i cili ka pranuar kryerjen e veprës penale.
Nën drejtimin e Prokurorisë vijon puna për hetimin dhe nxjerrjen e urdhrave të tjerë të ndalimit të implikuar në këtë vepër penale.
Materialet i kaluan Prokurorisë për veprime të mëtejshme veprën penale “Marrëdhënie seksuale ose homoseksuale me dhunë me të mitur”-thuhet në njoftimin e uniformave blu të qytetit bregdetar.
