Në Shqipëri, ashtu sikurse edhe në vende të tjera të botës vijon të debatohet nëse koronavirusi ka qarkulluar më herët se sa kur është shpallur nga qeveria.
Më 9 mars, u konfirmuan dy rastet e para me koronavirus dhe që atëhere numri i të infektuarve ka shkuar në 634.
E moderatori i emisionit “Stop”, Saimir Kodra thotë se ka bërë analizën e antikorpeve dhe ka rezultuar që ai e ka kaluar virusin që në muajin janar. Pra 2 muaj para se të konfirmohej prezenca e koronavirusit në vend.
“Për t’ju zbuluar një sekret, në analizat që bëra të anti-korpeve, jam një person që e kam kaluar Covid-in. Pra e gjithë kjo situatë karantine që rrimë mbyllur është për të transmetuar të gjithën. Që në janar e kam kaluar” – tha Kodra në emirionin e tij.
Sipas të dhënave të Worldometer, Shqipëria renditet në vendit e parafundit për testime për 1 milionë banorë në Evropë. Më keq se ne renditet vetëm Ukraina. Deri më tani në vend, janë kryer 6269 testime gjithsej.
