Spanja regjistroi numrin më të ulët të vdekjeve ditore në më shumë se një muaj të dielën, që përkon me ditën e parë që fëmijëve u lejohet të dalin nga shtëpitë e tyre në gjashtë javët e fundit.
Në periudhën e fundit 24-orëshe, 288 më shumë njerëz u konfirmuan se vdiqën nga COVID-19, gati 100 më pak se dje, sipas Ministrisë së Shëndetësisë.
Vendi konfirmoi gjithashtu më pak infeksione të reja aktive (1,729) sesa rikuperime të reja (3.024) për ditën e tretë me radhë.
Tani, fëmijët nën 14 vjeç lejohen të bredhin brenda një rrezeje prej 1 km nga shtëpitë e tyre nën mbikëqyrjen e një të rrituri.
Të shtunën, kryeministri Sanchez njoftoi se nëse ritmi i përhapjes së virusit vazhdon të përmirësohet, të rriturit gjithashtu do të lejohen të shkojnë jashtë për aktivitet fizik duke filluar nga e shtuna e ardhshme.
