Të paktën 40 njerëz janë vrarë në një sulm me bombë në qytetin sirian veriperëndimor të Afrin-it.
Guvernatori i provincës kufitare turke të Hatay, thotë që një cisternë nafte në të cilën ishte montuar një bombë, shpërtheu në një vend të mbushur me njerëz.
Guvernatori turk dhe ministria e mbrojtjes e Turqisë fajësuan një grup militantësh kurdë, YPG, të cilin ata e shohin si të lidhur me grupet militante kurde brenda Turqisë.
Afrin kontrollohet nga forcat turke dhe fraksionet aleate të opozitës Siriane.
Siç shkruan BBC, rezervuari i karburantit shpërtheu në një treg në zonën qendrore të Afrin-it, të hënën pasdite, afër zyrave të qeverisë lokale.
Tregu zakonisht është plot me blerës në orët para se muslimanët të thyejnë agjërimet për muajin e shenjtë të Ramazanit.
Ministria turke e mbrojtjes tha se të gjithë ata që u vranë në sulm ishin civilë, mes të cilëve ishin dhe 11 fëmijë. Dyzet e shtatë civilë të tjerë u plagosën.
