Presidenti amerikan Donald Trump u tha gazetarëve se ai besonte se Covid-19 e kishte origjinën nga Instituti Wuhan i Virologjisë në Kinë, duke mos pranuar të shpjegojë pse.
I pyetur nëse ai kishte një “shkallë të lartë besimi” se koronavirusi ishte me origjinë nga laboratori, Trump u përgjigj: “Po, kam”.
Më herët gjatë ditës, Zyra e Drejtorit të Inteligjencës Kombëtare (ODNI) lëshoi një deklaratë duke thënë se komuniteti i inteligjencës amerikane “pajtohet me konsensusin e gjerë shkencor se virusi Covid-19 nuk ishte i bërë nga njeriu ose i modifikuar gjenetikisht.”
