Në Greqi: Anëtarët e Unionit grek të Punës (PAME), të veshur me maska mbrojtëse dhe duke respektuar distancat sociale, kanë protestuar para godinës së Parlamentit në Athinë.
Çdo vit Dita e 1 Majit përdoret për të shënuar shumë gjëra, që nga ardhja e pranverës në Hemisferën Veriore deri në luftën për të drejtat e punëtorëve.
E këtë vit shumë mitingje janë ndaluar për shkak të bllokimeve të vendosura nga qeveritë për shkak të koronavirusit, megjithëse siç shkruan BBC, disa prej tyre kanë arritur të zhvillohen.
1 MAJI PËRMES FOTOSH:
Qeveria greke u kërkoi grupeve të shtynin tubimet publike për më shumë se një javë, por sindikata GSEE bëri thirrje për një grevë të përgjithshme që të përkonte me Ditën e 1 Majit.
Në Turqi, disa demonstrues u arrestuan ndërsa marshonin drejt Sheshit simbolik Taksim të Stambollit, për të shënuar Ditën e 1 Majit në kundërshtim me rregullat e qeverisë për koronavirusin.
Tubimet në Gjermani janë të kufizuara nga autoritetet duke lejuar një maksimum prej 20 personash, që do të thotë se shumë protesta të vogla të Ditës së 1 Majit u zhvilluan në vend të marshimeve tradicionale masive.
Njerëzit të veshur me maska për fytyrën shëtisin në sheshin pothuajse të shkretë të San Giovanni-t në Ditën Ndërkombëtare të Punëtorëve në Romë, Itali.
Një shirit i kuq i lidhur me një shandan në Romë, ku rrugët zakonisht do të ishin të mbushura plot me protestues.
Në Selanik, Greqi, një grua mban një pllakatë ku thuhet: “Jo të vjedhësh njerëzit për përfitim të kryeqytetit”
Në Vjenë, Austri, protestuesit mbajnë pankartat me mbishkrimin: “Organizoni masat në detyrën e revolucionit botëror proletar”. Ka 15 demonstrime dhe tubime të ndryshme të regjistruara në të gjithë qytetin.
Në njërën nga protestat në Vjenë, pjesëmarrësit pikturuan qarqe në dysheme për të mbajtur distancën ndërsa demonstruan kundër masave të qeverisë për të ngadalësuar përhapjen e koronavirusit.
Në Hong Kong policia ngriti një kordon ndërsa aktivistët pro-demokracisë u mblodhën jashtë një qendre tregtare.
Anëtarët e sindikatës në Barcelonë, Spanjë, mbajnë pankarta para urgjencës së një qendre mjekësore, duke bërë thirrje për kushte më të mira pune dhe pajisje mbrojtëse.
Në Bejrut protestuesit kundra qeverisë dhe përkrahësit e komunizmit libanez morën pjesë në protesta kundër planeve të reformave të qeverisë, të shpallura nga kryeministri Hassan Diab.
Në Moskë festimet tradicionale të Ditës së 1 Majit u anuluan dhe në një Shesh të Kuq të zbrazët, u pa një punëtor i vetëm duke riparuar pllakat e trotuarit.
Në Nantë, në Francën Perëndimore, një grua ecën nëpër një rrugë të dekoruar ndërsa izolimi vazhdon.
Kina është duke hequr kufizimet e saj mbarëkombëtare pas muajsh në izolim. Dita e Punëtorëve në vend filloi me një festë. Në foto shfaqet një familje e veshur me maska mbrojtëse për fytyrën, duke hyrë në rrugicën Nanluoguxiang, një pikë turistike.
