Presidenti amerikan Donald Trump ka konfirmuar se task-forca e ngritur kundër koronavirusit e Shtëpisë së Bardhë do të shpërbëhet.
E zv.presidenti Mike Pence thotë se kjo do të ndodhë brenda disa javësh.
“Ne po e rikthejmë vendin tonë”- tha Trump gjatë një vizite në një fabrikë prodhuese të maskave në Arizona, citon BBC.
Numri i infeksioneve të reja të konfirmuara në ditë në SHBA aktualisht shkojnë në 20,000, dhe vdekjet çdo ditë tejkalojnë 1.000.
Zyrtarët shëndetësorë amerikanë paralajmërojnë se virusi mund të përhapet përsëri kur bizneset të fillojnë të rihapen.
Sipas Universitetit Johns Hopkins, në SHBA aktualisht ka 1.2 milion raste të konfirmuara me virusin dhe më shumë se 70 mijë vdekje të lidhura me të.
Çfarë tha presidenti Trump?
Gjatë një vizite në fabrikën në Phoenix, Trump u tha gazetarëve: “Mike Pence dhe task forca kanë bërë një punë të shkëlqyeshme, por ne tani po shohim një formë tjetër, dhe kjo formë është siguria dhe hapja. Dhe ne do të kemi një grup të ndryshëm të krijuar ndoshta për këtë “.
I pyetur nëse ky ishte një mision i përfunduar, ai tha: “Jo, jo aspak. Misioni i arritur është kur mbaron”.
Kritikët e kanë akuzuar presidentin se sakrifikoi shëndetin publik të amerikanëve në padurimin e tij për të rihapur ekonominë amerikane, përpara betejës së tij të rizgjedhjes në nëntor.
Duke pranuar një kosto njerëzore për planet, Trump u tha gazetarëve: “Unë nuk po them se gjithçka është perfekte, dhe do të preken disa njerëz? Po. A do të preken keq disa njerëz? Po. Por ne duhet ta hapim vendin tonë dhe duhet ta hapim atë shpejt.”
Presidenti gjithashtu u pyet nëse ekspertët e task forcës në Shtëpinë e Bardhë si Dr.Deborah Birx dhe Dr.Anthony Fauci do të përfshiheshin ende në përpjekjet për të adresuar koronavirusin.
Ai tha se ata do të jenë ashtu sikurse edhe mjekë por dhe ekspertë të tjerë të fushës.
