Të paktën 19 marinarë iranianë u vranë dhe 15 të tjerë u plagosën në një incident gjatë një stërvitjeje, konfirmoi ushtria.
Raportet e mëparshme jozyrtare thanë se një fregatë iraniane qëlloi aksidentalisht me një raketë ndaj një anijeje mbështetëse detare.
Incidenti që përfshiu një anije luftarake dhe anijen mbështetëse Konarak, ndodhi gjatë një stërvitjeje në qytetin portual Jask, në Gjirin e Omanit të dielën në mbrëmje, njoftuan më herët media lokale, duke cituar marinën iraniane.
Ekipet e shpëtimit shkuan menjëherë në vendin e ngjarjes duke marrë të plagosurit. Anija e dëmtuar u dërgua në një port dhe filloi një hetim për të përcaktuar shkakun e incidentit.
Raportet jozyrtare që dolën menjëherë pas incidentit pohuan se fregata iraniane Jamaran, që i përket Korpusit elitar të Gardës Revolucionare Islamike të vendit (IRGC), goditi aksidentalisht Konarak me një raketë anti-anije.
