Një aksident i ka marrë jetën një të moshuari në Fushë-Krujë, i cili po lëvizte me biçikletë.
Aksidenti ka ndodhur këtë paradite, pak para orës 10:00 ku një grua në timonin e një “Fiati” ka përplasur një 73-vjeçar që po drejtonte biçikletën. Personi i identifikuar si Ndre Ndoi ka mbetur i vdekur në vend.
“Më datë 25.05.2020, rreth orës 09:55, në Fushë Krujë, mjeti tip “Fiat” me drejtuese shtetasen N.G.,33 vjeçe, ka aksidentuar shtetasin N.N., 73 vjeç, banues në Fushë Krujë, i cili po lëvizte me biçikletë, e për pasojë shtetasi N.N ka ndërruar jetë.
Grupi hetimor ndodhet në vendngjarje dhe po punon për zbardhjen e aksidentit. Drejtuesja e automjetit është shoqëruar në Polici për veprime të mëtejshme.”- shkruan policia.
