Policia ka dhënë detaje nga shpërthimi i ndodhur në Tiranë mbrëmjen e sotme.
Shpërthimi ndodhi në Rrugën e Dibrës midis një lokali dhe një hoteli.
Sipas policisë, dyshohet se ka shpërthyer një lëndë plasëse.
Ngjarja ndodhi rreth orës 22:40. Si pasojë e shpërthimit nuk ka asnjë të lënduar.
Njoftimi i policisë:
Tiranë/Informacion paraprak
Më datë 30.05.2020, rreth orës 22:40, në një rrugicë të ndërmjetme midis një lokali dhe një hoteli në rrugën e “Dibrës”, ka shpërthyer një sasi e dyshuar si lëndë plasese.
Si pasojë e shpërthimit nuk ka asnjë të lënduar, por vetëm dëme të vogla materiale tek të dy objektet.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, identifikimin dhe kapjen e autorit.
